Kike Antón

Kike (Ferrol, 1972). Despois de vivir entre Galicia, Inglaterra e Italia, no 2018 estableceu a súa residencia no norte de Portugal (Amares, Braga). Licenciado en Historia da Arte pola Universidade de Santiago de Compostela, con estudos en cerámica, escultura, pintura e deseño gráfico, aborda diferentes disciplinas e técnicas no seu traballo, onde temas como a sostenibilidade, o consumo masivo, as migracións forzadas, a comunidade LGBTQ+, e as paixóns humanas están presentes.

Dende o ano 2012, é consultor creativo e deseñador gráfico para a Organización da Agricultura das Nacións Unidas (FAO), e no ano 2022 colaborou de xeito voluntario e puntual co Fondo ONU para o Sostemento da Paz en Colombia.